الاجواء رمضانية في اربيل (هةولير ) خاص بالمسابقة ..

مساء الخير ..

//

رمضان كريم عليكم
ينعاد على الجميع بالخير والبركة ..

اربيــــــل

تعتبر مدينة أربيل (هولير) عاصمة إقليم كوردستان والعاصمة الصيفية للعراق،
من أقدم مدن العالم من حيث عدم انقطاع العيش فيها منذ نشأتها والتي
لا يعرف لحد الآن شيء عن نشأتها الأولى.

أربيل المدينة العريقة التي تحدت صعوبات وأزمات الدهور السابقة تحدها من الشمال تركيا ومن الشرق إيران وتبلغ مساحتها (13165) كم مربع. وتقع محافظة أربيل ضمن السهوب ذات مناخ انتقالي بين البحر المتوسط والمناخ الصحراوي وتتميز بالبرودة الشديدة وانخفاض معدل الرطوبة شتاءً والحر الشديد صيفاً.

وقد دخل المسلمون اربيل وما يجاورها في خلافة عمر بن الخطاب في
سنة 32 هـ بقيادة عتبة بن فرقد.

يوجد في أربيل اكثر من 110 تل وموقع اثري يرجع تاريخها الى العصر
الحجري وحتى العصر الإسلامي
ومن أهم المعالم الأثرية قلعة اربيل وتل السيد احمد والمنارة المظفرية .

ونجي على اجواء رمضانية :

شهر رمضان يلقي بألوانه على كل جوانب الحياة، وقد تختلف العادات الاحتفالية من بلد لآخر ولكنها كلها تتفق في اللمحة الروحية التي تتدفق على جميع مناحي
الحياة خلال الشهر. وفي أربيل تشهد الاحياء القديمة والشوارع المحيطة
بقلعتها التاريخية خلال أماسي شهر رمضان المبارك حيوية وحركة
تحيل الليل نهارا .

طبعا الناس يتحضر ايام قبل رمضان ويشتري لوازم الشهر الكريم
ويتوق بشغف لاستقباله واول يوم رمضان بمثابة عيد للجميع

قبل السحور بساعات تجي طبال يدكوون لحد ما الكل يكعد من النوم
هاي ينطبق على لي نومهم خفيف ههههههه

و يلزم طوابير طويلة ليشتري صمون او خبز
او يشتري لبن اربيلي مثل ما هو مشهور فبعضهم يحب اكلات ثقيلة مثل تمن ومركة
وبعضهم يحب ياكل اكلات خفيفة مثل خبز ولبن والشاي

الجزء الاول من اليوم تراه يوما عاديا
واحد يروح لعمله , او الى ما عنده شغل ينام لحد صلاة الظهر

بس احب اذكر ان في هذا الشهر يكثر قراءة القران بعد وقبل كل صلاة,

شوية شوية نقترب من الفطار هههههههههههه
من العصر تبدي التحضيرات الاكل

طبعا اهالي اربيل كلش يحبون شوربة عدس هاي لازم يكون موجود يوميا على السفرة
والتمر وانواع العصير والسلطات متعرف شلون
بس السفرة تمتلي بكل انواع الاكلات

نجي على صلاة العشاء والترواييح

اهل اربيل كلش يهتمون بصلاة التراوييح

اغلب النساء والرجال يصلون الصلاة العشاء والصلاة الترواييح بالمساجد

وبعدين الشباب يلعبون اللعبة (سني سنياني ) مثل لعبة المحيبس البغدادية
وبعضهم يزورون الاهل والاصدقااء وبعضهم يبقوون بلبيت .

أتمنى يعجبكم التقرير كان بودي التقرير بيها الصور اكثر
بس مكدرت اصور بنفسي بسبب ظروفي
وهاي لي لكيته من النت ....

» الاجواء رمضانية في اربيل (هةولير ) خاص بالمسابقة ..
» رمضان الألم في تركستان الشرقية (( خاص بالمسابقة ))
» اربيل يسحق الكرامة ويطيح به من كأس الاتحاد الاسيوي
» اربيل يتأهل لدور 16 في كأس الاتحاد الاسيوي وتعادل العروبة والكرامة
» منتخبنا الوطني العراقي يواجه منتخب سوريا ودياً في اربيل